Godiva Rrembeci

Prof. Ass.Dr.Godiva REMBECI është Përgjegjëse e Departamentit të Planifikimit dhe Menaxhimit Urban ku përfshihen programet bachelor BBA, Master i Integruar Shkencor i Planifikimit, Master Shkencor në BA  dhe Master Profesional në GIS.  Prof. REMBECI, për më shumë se 25 vite ka punuar në Institucionet qëndrore si INSTAT dhe BANKA e Shqipërisë e angazhuar si eksperte dhe drejtuese teknike në përgatitjen e publikimin e treguesve statistikorë Makro, si Statistikat e Biznesit, Produkti i Brëndshëm Bruto, (PBB), Ekonomia e Pavrojtuar, (NOE) Bilanci i Pagesave, (BOP) Tregtia Ndërkombëtare e Shërbimeve, Pozicioni i Investimeve Ndërkombëtare,etj. Ajo është autorja e ndërtimit të regjistrit të parë statistikor dhe elektronik të biznesit në vend e sëbashku me të, të ngritjes të sistemit të statistikave ekonomike si pjesë integrale e sistemit statistikor shqiptar.  Gjatë kësaj periudhe ka ideuar dhe implementuar një seri projektesh për zhvillimin sasior e cilësor të statistikave shqiptare dhe përafrimin e tyre me standartet ndërkombëtare të BE, në bashkëpunim me partnerë ndërkombëtare si EUROSTAT, FMN, BB, UNECE, UNDP, OECD si dhe Zyrat Statistikore e Bankat Qëndrore të vendeve europiane, si INSEE-France, ISTAT-Itali, SWEDEN Statistics, Banka e Italisë, Sllovenisë, Gjermanise, etj.  Krahas prodhimit statistikor, ajo ka qënë e angazhuar në mësimdhënie si pedagoge e jashtme për rreth 15 vitesh pranë universiteteve publike e private në programet bachelor e master (Universiteti i Tiranës, Universiteti Europian i Tiranës ,ERASMUS University -Hollande ) dhe që prej vitit 2014 është lektore e parë në lëndët statistikë e demografi në UPOLIS. Eshtë antare e Senatit dhe Këshillit Shkencor të UPOLIS që prej vitit 2014.  Ajo është e përfshirë aktivisht në projektet e Universitetit POLIS për hartimin e strategjive të zhvillimit të territorit të bashkive e njësive vendore te krijuara pas RTA2014, duke kontribuar me përgatitjen e vlerësimeve statistikore të popullsisë rezidente dhe analizat statistikore të situatës demografike dhe ekonomike të bashkive të reja