U_POLIS ka marrëveshje bashkëpunimi në nivel Rektorati me UNIFE_Universitetin e Ferrarës, Itali, mbi bazen e së cilës realizon shkëmbime profesorësh e kërkuesish të mbështur nga Ministria e Jashtme e Italisë dhe Ministria e Arsimit dhe Sportit në Shqipëri. Të dy universitetet po zbatojnë një Program të Përbashkët Doktorature në Arkitekturë dhe Planifikim Urban, të njohur në të dyja vendet. Bashkëpunim dhe marrëveshje e konsoliduar ekziston edhe me IHS/Erasmus University Rotterdam, Holandë, me të cilin është punuar prej vitesh në programe zhvillimi urban dhe ngritje kapacitetesh lokale, me mbështetjen e autoriteteve holandeze, sidomos të Programeve MATRA dhe NUFFIC. Mbi këtë bazë, palët organizojnë edhe një program Masteri Pasuniversitar të përbashkët, me 6 specialitete në: Çeshtje Dizajni dhe Çeshtje Urbane.

Shkëmbime intensive dhe të frutshme ekzistojnë prej disa vitesh edhe me TU-Vienna, Universiteti Teknik i Vienës, Austri dhe me Universitetin e Shkencave të Aplikuara në Anhalt/Bauhaus Dessau, Gjermani. Marrëveshje bashkëpunimi dhe shkëmbime kanë funksionuar edhe me Universitetin Teknik të Darmshtad-it, Universitetet e Shkencave të Aplikuar në Mainz, në Karlsruhe dhe në Cottbus, Gjermani; apo me Universitetin e Triestes, ISF/Politekniku i Barit dhe "La Sapienza" Romë, Itali. Shkëmbime interesante ekzistojnë edhe me Universitet e Beogradit, Serbisë, të Podgorices në Mal të Zi, të Prishtinës, Kosove dhe të Shkupit, në Maqedoni.

Në nivel lokal, POLIS është anëtar i Konferencës së Rektorëve në Shqipëri dhe i AUA_Unionit të Arkitekteve, Urbanistëve dhe Planifikuesve Shqiptarë; Universiteti ka aktivitete dhe marrëveshje bashkëpunimi me: Ministrinë e Mjedisit, Pyjeve dhe Administrimit të Ujrave; si dhe me Ministrinë e Integrimit Europian. U_POLIS bashkëpunon në mënyrë të veçantë me Akademinë e Filmit dhe Multimedias "Marubi" dhe me TICAB_Tirana International Contemporary Art Biannual; si dhe me një sërë ambasadash të huaja në Tiranë, përfshi ato të Holandës, Austrisë, SHBA-së, Zvicrës, Gjermanisë, Italisë etj.

Çdo vit, mjaft studentë të POLIS dhe të shkollave partnere, angazhohen në shkëmbime dhe projekte ndërkombëtare, rajonale e lokale, qofshin këto multi apo bi-laterale. Në këto raste, kreditet (ECTS) njihen dhe trasferohen reciprokisht sipas sitemit Europian/Ndërkombëtar. POLIS bashkëpunon ngushtë me një sërë donatorësh (SCP Svicer, DAAD Gjermani, Tempus BE, Fondi i Ekselencës dhe Brain Gain Shqipëri, UNDP etj), si dhe me organizata të specializuara lokale e rajonale përfshi: CHWB_Cultural Heritage Without Borders (në Bosnje, Kosovë dhe Suedi), me IM_Institutin e Monumenteve të Kulturës, me AHF_Albanian Heritage Foundation, me AAC_Shoqata e Komunave të Shqipërisë dhe me REC_Regional Environmental Center, në Tiranë.

Së fundi, në Korrik 2015, AESOP_Shoqata e Shkollave Europiane të Planifikimit ka akredituar në Kongresin Europian të Pragës, Universitetin POLIS, pas një procesi 1 vjeçar, ku u skanuan 25 universitete Europiane. POLIS u kualifikua në përfundim të këtij procesi, ndër 3 shkollat e para, ndërsa shkollat e tjera te përfshira vijojnë plotësimet e përmirësimet. Një hap i madh ky për ndërkombëtarizimin e projektit tonë cilësor dhe një marketim ndërkombëtar për arsimin në Shqipëri!