Armela Reka

Armela Reka është Planifikuese Urbane. Ajo ka përfunduar studimet në Fakultetin e FPMMU të Universitetit Polis, ku u diplomua me titullin: Master Shkencor në Programin e Integruar 5 Vjecar për Planifikim, Mjedis dhe Menaxhim Urban në Universitetin Polis. Gjithashtu ka studiuar në “Anhalt University of Applied Sciences Bernburg, Germany”, në kuadër të programit Erasmus KA+107, përgjatë të cilës u thellua në njohuritë mbi Landscape Architecture. 

Në tetor të vitit 2021, Armela u bë pjesë e Universitetit Polis në rolin e Laborantes pranë njësisë së hulumtimit dhe zhvillimit “Innovation Factory”. Gjatë kësaj periudhe ka qënë pjesë e ekipit organizues të rrjetit të Akademikëve të Rinj të Shoqatës së Shkollave te Planifikimit të Territorit në Europë (AESOP).

Prej vitit 2022 është staf akademik me kohë të plotë pranë FPMMU, Universiteti Polis. Eksperienca akademike e saj përfshin lëndët: Studio Planifikim Urban, Politika Transporti & Menaxhim Trafiku, Rigjenerim Urban, Dizajn Peizazhi, Teknologji & Infrastrukture Qyteti dhe Histori Arkitekture. Gjithashtu nga viti 2022 dhe deri më tani Armela mban edhe rolin e Këshillueses Akademike për studentët e Departamentit të Planifikimit dhe Menaxhimit Urban.

Armela gjithashtu është pjesë e ekipit editorial të njësisë kërkimore OMB, Observatori i Basenit te Mesdheut, me një kontribut specifik mbi Revistat Shkencore të OMB Series dhe e përfshirë në përgatitjen e raportit me temë “Country Profile in Urban Development, Housing and Land Management”, një plan i përbashkët veprimi me UNECE.

Duke filluar nga tetori 2023, angazhimi I Armeles zhvillohet edhe në procese të tjera në universitet si: Drejtimi I “Zyrës për Mbështetjen Studentore dhe Këshillimin e Karrierës” (ZMSKK) dhe “Shoqatës ALUMNI”.