Franceska Korance

Françeska Korançe ka studiuar Inxhinieri Mjedisi në Universitetin Politeknik të Tiranës, ka një diplomë Bachelor në Inxhinieri Ndërtimi, si dhe ka një Master Shkencor në Menaxhim Urban Mjedisor nga Universiteti Polis. Aktualisht, ajo është Kandidate për Ph.D. në programin doktoral ndërkombëtar në Arkitekturë dhe Planifikim Urban, një program midis Universitetit të Ferrarës, Itali dhe Universitetin Polis, Shqipëri, me fokus në lidhjen në rritje midis ndotjes së mjedisit dhe shëndetit publik në zonat urbane. Pranë Polis ajo është titullare në lëndët: Vlerësimi i Ndikimit në Mjedis (VNM), Teknologjitë e Trajtimit të Ujit (TTU) dhe Ekonominë e Mjedisit.

Françeska ka më shumë se 10 vite përvojë në Organizatat e Shoqërisë Civile (OSHC). Prej janarit 2015, vit në të cilin ajo themeloi dhe organizatën Build Green Group, ka punuar si Drejtuese Ekzekutive, studiuese, specialiste mjedisi dhe konsulente në fushë. Françeska Korançe ka ekperiencë në fushën kërkimore dhe konsulencës mjedisore. Ajo ka gjithashtu përvojë në menaxhimin e projekteve që fokusohen në ndryshimin e klimës (si ERASMUS+) dhe zhvillimin e qëndrueshëm. Përveç kësaj, ajo ka ofruar edhe ekspertiza si në rastin e projektieve IPA. Gjithashtu, ajo ka patur eksperiencë si pjesë e grupit të konsultimit për punimet kërkimore mbi ekonominë qarkulluese në Ballkanin Perëndimor, ku ndër të tjera ka qënë një ndër anëtarët e panelit në Forumit Online Talk “Circularity is a Virtue-An Introduction to Circular Economy and Field Perspectives from the Balkan Western”. organizuar nga Këshilli i Evropës në bashkëpunim me Forumin Botëror për Demokraci/Forum Mondial de la Démocratie dhe The Balkan Forum.