Llazar Kumaraku

Llazar Kumaraku është arkitekt dhe pedagog ne Universitetin Polis. Ai ka përfunduar Masterin Shkencor në Arkitekturë në Universitetin e Romës Sapienza në vitin 2009 dhe në vitin 2014 ka përfunduar doktoraturën në të njëjtin universitet. Aktualisht është Drejtor i Departamentit të Kërkimit Shkencor në Universitetin Polis. Llazar Kumaraku ka qene Visiting profesor në TU-Graz nga tetori 2019 deri në mars 2020. Ai gjithashtu ka qene Visiting profesor në Universitetin e Molise në Itali dhe U-Minho Portugali. Ka botuar për (H)ortus-Sapienza në Itali, AP Forum dhe Polis Press në Shqipëri dhe U-Minho në Portugali. Në vitin 2019 botoi përkthimin nga italishtja në shqip të librit të Franco Purinit “Comporre l’Architettura”
Profili i tij kërkimor është i orientuar drejt çështjeve teorike të arkitekturës dhe hulumton mbi identitetin të kësaj disipline si shkencë e pavarur nga disiplina të tjera, duke analizuar parimet dhe instrumentet e projektimit arkitektoniko/urban. Objektivat e kërkimit të tij janë përcaktimi i teknikave dhe instrumenteve të projektimit që ndihmojnë kompozimin arkitektonik, duke i bazuar ato në analizën strukturore të aspekteve figurative të ndërtimit. Kërkimet e tij është fokusuar prej vitesh në hapësirën urbane dhe më konkretisht në përbërjen dhe organizimin e qyteteve të ndërtuara nga fillimi.