Erjon Çobani

Erjon Çobani zotëron titullin Master Shkencor në Inxhinieri Ndërtimi, profili Strukturë, pranë Universitetit Politeknik të Tiranës (UPT), si dhe ekuivalentim dhe njohje të diplomës Master në shtetin e Gjermanisë. Aktualisht, ai është Asistent Lektor në Departamentin e Arkitekturës dhe Inxhinierisë prej dy vitesh, i angazhuar në lëndë si Menaxhim Ndërtimi dhe Konstruksione Betoni të Paranderur.

Erjon Çobani ka rreth 10 vite përvojë profesionale në projektim strukturor dhe menaxhim projektesh në industrinë e ndërtimit. Prej vitit 2017 deri në Gusht 2024 ai ka qenë i angazhuar profesionalisht si inxhinier ndërtimi dhe strukturash në shoqërinë Technical Planning & Development shpk (TPDN) me seli në Shqipëri dhe Greqi, me eksperiencë të gjerë në projekte publike në Rivierën Shqiptare dhe sektorin turistik privat.