Endri Duro

MSc. Endri Duro është kërkues shkencor dhe pedagog pranë departamentit të Arkitekturës dhe Inxhinierisë. Ka kryer studimet e larta Bachelor në Inxhinieri Ndërtimi dhe Master Shkencor në Inxhinieri Ndërtimi, profili: Gjeoteknikë në Universitetin Politeknik të Tiranës. Prej vitit 2019 është kandidat doktor në programin ndërkombëtar të doktoraturës (International Doctorate in Architecture and Urban Planning- IDAUP) cikli XXXV ofruar nga Universiteti POLIS dhe Universiteti i Ferrarës në Itali. Fokusi i studimeve doktorale lidhet me çështjet riskut të fatkeqësive natyrore dhe integrimi i informacionit brenda instrumentave të planifikimit. Përgjatë periudhës Shkurt- Qershor 2022 ka qënë pjese e një programi mobiliteti pranë Universitetit MINHO, Portugali.
Fushat e interesit akademik dhe profesional janë të lidhura me çështjet dhe problemet e ndryshme gjeoteknike; projektim themelesh të cekëta dhe të thella, qëndrueshmëri dhe stabilizim pjerrësish natyrore dhe artificiale, përforcime bazamentesh, qëndrueshmëri gropash ndërtimi, investigime dhe analiza në terren dhe laborator për përcaktimin e parametrave fiziko-mekanikë të bazamenteve etj.
Aktualisht është anëtar i Shoqatës së Gjeoteknikëve të Shqipërisë (AGS) dhe i Shoqatës Ndërkombëtare të Mekanikës së Dherave  dhe Inxhinierisë Gjeoteknike (ISSMGE)