Marsela Plyku

Marsela Plyku DEMAJ është planifikuese urbane me fokus në urban dizajn dhe eksperte në fushën e konservimit dhe restaurimit të trashëgimisë kulturore materiale. Që prej Tetor 2022, ajo është pjesë e stafit akademik të Universitetit Polis dhe njëkohësisht kandidate për studimet doktorale në arkitekturë dhe planifikim urban ofruar nga U_Polis dhe Universiteti i Ferrarës. Pranë Fakultetit për Kërkim dhe Zhvillim, ajo gjithashtu asiston në Koordinimin e Programit Master Ekzekutiv në Restaurim, Konservim dhe Valorizim të Trashëgimisë Kulturore.

Gjatë përvojës mbi 18-vjeçare ajo ka qenë autore / bashkautore e projekteve konservuese / restauruese, si dhe është angazhuar në konceptimin dhe zbatimin e kurseve të trajnimit / Atelie Restaurimi nën koordinimin e UNESCO-s. Si pjesë e grupeve teknike, ajo ka kontribut në përgatitjen e dosjeve dhe planeve të menaxhimit për shpalljen “Pasuri Botërore” të Qendrave Historike të Beratit dhe Gjirokastrës (2008), si dhe të “Trashëgimisë natyrore dhe kulturore të rajonit të liqenit të Ohrit” (2015-2019). Gjatë 2014-2019, ajo ka qenë anëtare e Këshillit Shkencor të Institutit të Monumenteve të Kulturës (sot IKTK), dhe anëtare e Redaksisë të revistës shkencore “Monumentet”.

Fushat kërkimore përfshijnë hulumtimin mbi qasjet projektuale në kontekstet urbane pranë pasurive kulturore (zonat mbrojtëse) planet e menaxhimit si dhe vlerësimet e ndikimit (heritage impact assessments) për sitet e trashëgimisë kulturore. Ajo ka interes të veçantë në qasjen ndërdisiplinore që përfshin planifikimin urban, trashëgiminë kulturore, zhvillimin e qendrueshëm dhe komunitetin.