Ceremonia e Diplomimit 2026 | Universiteti POLIS
2026-11-04 11:20Ceremonia e Diplomimit 2026 | Universiteti POLIS
Të nderuar diplomantë,
Universiteti POLIS njofton se Ceremonia e Diplomimit 2026 do të zhvillohet më 10, 11 dhe 12 nëntor 2026, në orën 17:00, në hollin e katit të parë të universitetit. Data e ceremonisë suaj përcaktohet sipas programit të studimit.
Për të marrë pjesë, duhet të konfirmoni pjesëmarrjen nëpërmjet formularit përkatës deri më 6 nëntor 2026.
Programi i ceremonive
Gjeni programin tuaj të studimit dhe konfirmoni pjesëmarrjen te formulari i datës përkatëse.
Konfirmimi nëpërmjet formularit është i detyrueshëm. Diplomantët që nuk e plotësojnë formularin deri më 6 nëntor 2026 do të konsiderohen jo pjesëmarrës dhe emri i tyre nuk do të përfshihet në listën e diplomantëve që thirren gjatë ceremonisë.
Udhëzime për pjesëmarrjen
- Vendi: Holli i katit të parë, Universiteti POLIS.
- Paraqitja: Jo më vonë se ora 16:00, një orë para fillimit të ceremonisë.
- Kodi i veshjes: Veshje formale, në ngjyrë të bardhë dhe të zezë.
- Të ftuarit: Çdo diplomant mund të ftojë 1–2 familjarë ose të afërm.
Tërheqja e dokumentacionit të diplomimit
Dosja me dokumentacionin e diplomimit (Diplomë, Suplement Diplome, Listë Notash dhe Kurs Katalog) tërhiqet pranë Zyrës së Sekretarisë Mësimore, duke filluar nga 10 nëntori 2026, në orarin 09:00–15:00.
Ju lutemi të respektoni këtë orar. Për shkak të organizimit të ceremonive, jashtë tij tërheqja e dokumentacionit nuk do të jetë e mundur.
Informacion dhe kontakt
Për çdo paqartësi, kontaktoni Sekretarinë Mësimore të Universitetit POLIS:
Ju mirëpresim për të festuar së bashku arritjen tuaj akademike!
Me respekt,
Sekretaria Mësimore
Universiteti POLIS
