Një mbrëmje festive që përmbylli Ceremoninë e Diplomimit 2026 dhe la një pyetje për të diplomuarit në dizajn dhe inxhinieri: çfarë do të thotë “suksese më tej”?

Më 12 nëntor 2026, holli i Universitetit POLIS u mbush për të tretën mbrëmje radhazi me emocione, krenari dhe gëzim. Në fjalën e saj, Prorektorja Dr. Elona Karafili i ftoi të diplomuarit të mos lejojnë që dikush tjetër ta përkufizojë suksesin për ta dhe të mos ngatërrojnë simbolet e tij me thelbin: për dizajnerët dhe inxhinierët, suksesi mund të jetë të projektojnë dhe të ndërtojnë më mirë, jo domosdoshmërisht më shumë.