Universiteti POLIS është përfshirë zyrtarisht në Katalogun e Njohjes së Cilësisë të AESOP (2019 – 2025), duke u rreshtuar ndër programet më cilësore të planifikimit në mbarë Evropën (Faqja 89).

Ky dokument strategjik përmbledh shembujt më të mirë të edukimit në planifikim, duke vlerësuar:

• Metodat inovative të mësimdhënies të bazuara te studenti.
• Kurrikulat e ndërthurura me kërkimin shkencor dhe punën praktike në studio (studio-based learning).
• Ndërkombëtarizimin dhe përgjigjen ndaj sfidave bashkëkohore socio-hapësinore dhe mjedisore.

Ky vlerësim dëshmon angazhimin tonë të vazhdueshëm për të ofruar arsim të standardeve evropiane dhe për të përgatitur profesionistë të aftë për të modeluar të ardhmen e territoreve tona.

Përgëzime të përzemërta stafit akademik dhe studentëve tanë për këtë arritje të rëndësishme!