Më 28 prill 2025, në ambientet e Universitetit POLIS u zhvillua me sukses Panairi i Karrierës 2025, tashmë një traditë e konsoliduar në institucionin tonë. Ky event bashkoi aktorë të ndryshëm nga bota e biznesit vendas dhe ndërkombëtar me studentët dhe të diplomuarit e POLIS-it, në një atmosferë mikpritëse dhe gjithëpërfshirëse.

Panairi u konceptua si një hapësirë ndërveprimi dhe rrjetëzimi, ku përfaqësues nga kompani të njohura prezantuan profilin e tyre, mundësitë e punësimit dhe pritshmëritë profesionale, ndërkohë që studentët patën mundësi të diskutojnë drejtpërdrejt me ta, të dorëzojnë CV-të dhe të testojnë aftësitë e tyre përballë intervistave të punës.

Pjesë e panairit ishin edhe sesione informuese, si “Tregu i Punës në Fokus”, ku liderë të industrisë ndanë praktikat më të mira dhe zhvillimet më të fundit nga fushat përkatëse. Kompanitë pjesëmarrëse, si Xlam Dolomiti, Century 21, dhe të tjera, kontribuuan me diskutime frymëzuese mbi kërkesat aktuale të tregut, kulturën organizative dhe nevojën për talente të reja.

Ky event jo vetëm që kontribuoi në ndërtimin e urave të bashkëpunimit mes universitetit dhe tregut të punës, por u vlerësua edhe si një përvojë transformuese për studentët, duke i ndihmuar të përgatiten më mirë për hapat e parë në karrierë.

Universiteti POLIS mbetet i angazhuar të ofrojë platforma të tilla që fuqizojnë marrëdhënien mes dijes dhe praktikës, si dhe nxisin zhvillimin profesional dhe personal të studentëve tanë.

Kliko këtu për të parë listën e plotë të kompanive pjesëmarrëse