Doriana Musaj

Doriana Musaj është arkitekte dhe Planifikuese Urban. Ajo ka përfunduar studimet Master Shkencor Fakulteti i Inxhinierisë së Ndërtimit, Universiteti Politeknik I Tiranës duke u diplomuar Msc në Urbanistikë, në vitin 2008. Më tej ka ndjekur masterin “Landscape dhe Urban Design”, 2011-2013, pranë Universitetit Polis, me një diplomë joint me IHS- Institute for Housing and Urban Development Studies, Erasmus. Teza e masterit, fokuset në hulumtimin e fenomenit të urbanizimit të zonës bregdetare me rastin studimor të gjirit të Durrës, zona e Golemit, me një qasje shqyrtimin e mbivendosjeve institucionale dhe ligjore që kanë gjeneruar dhe stimuluar këtë fenomen. 
Si përmbyllje të ciklit të tretë të studimeve, ajo u doktorua në vitin 2023, me një diplomë dyfishe të Universitetit Polis, Tiranë dhe atë Ferrarës, Itali. Teza e doktoraturës, fokusohet në interesat dhe konfliktet që gjenerohen nga vendimarrja në hapësirën publike të qytetit, duke hetuar shtresat urbane të trashëguara dhe ku janë përdorur si lente hulumtimi teoritë e urban commons– të përbashkëtave urbane.
Prej vitit 2019, është pjesë e Universitetit Polis, duke bashkëpunuar në lëndët e Planifikimit Urban, Rigjenerimit Urban, Trashëgimisë Kulturore dhe Urbanistikës teknike. Duke nisur nga shtatori i vitit 2022, është zv.Dekan i Fakultetit të Planifikimit, Mjedisit dhe Menaxhimit Urban në Universitetin POLIS.
Më herët, përgjatë 2010-2018, ajo ka qenë staf i ftuar në Universitetin Politeknik të Tiranës, Fakulteti i Arkitekturës dhe Urbanistikës. Gjithashtu, ka qenë pedagog i ftuar në Bauhaus-Universität Weimar në serinë e leksioneve “Hapësirat e teatrit: Nga Buenos Aires nëpërmjet Stambollit në Weimar dhe Jena“. Ajo ka marrë pjesë në organizim workshopesh, aktivitetesh akademike si seri leksionesh të hapura, debatesh, organizime konferencash shkencore. Një aspekt i rëndësishëm i kontributit të saj në shoqëri, kanë qenë edhe pjesëmarrja aktive në referime, prezantime dhe aktivitete publike. Pjesë aktive e karrierës akademike të saj kanë qenë edhe pjesëmarrja në projekte kërkimore dhe konferenca kombëtare dhe ndërkombëtare në lidhje me çështjet e lidhura me planifikimin dhe qytetit, sfidat dhe mundësitë e komuniteteve si edhe vlerat urban edhe kulturore të habitateve njerëzore.