Më datë 10 shtator 2026, në Universitetin POLIS u zhvillua një trajnim për stafin akademik të programit të
Inxhinierisë së Ndërtimit, në kuadër të përgatitjes së
Workshop-it MIDAS, i planifikuar për datat
5–9 tetor 2026.

Qëllimi i aktivitetit

Qëllimi i trajnimit ishte njohja dhe familjarizimi i stafit akademik me mjedisin e punës dhe procedurat kryesore të
modelimit dhe analizës strukturore në programin MIDAS GEN NX, si dhe përgatitja e stafit për workshop-in
që do të zhvillohet në datat 5–9 tetor 2026.
Trajnimi u zhvillua nëpërmjet një shembulli praktik të një objekti shkollor 5-katësh prej betoni të armuar, të trajtuar sipas Eurokodeve.

Objektivat e trajnimit

Në përfundim të aktivitetit, pjesëmarrësit synohej të ishin në gjendje të:

• Kuptonin strukturën dhe funksionet bazë të MIDAS GEN NX;
• Përcaktonin vetitë e materialeve dhe seksioneve strukturore;
• Ndërtonin modelin gjeometrik të një strukture shumëkatëshe;
• Përcaktonin kushtet kufitare dhe karakteristikat e modelit;
• Njihnin procedurën e aplikimit të ngarkesave dhe kombinimeve të tyre;
• Kuptonin rrjedhën e përgjithshme të analizës, interpretimit të rezultateve dhe verifikimit të elementeve strukturore.

Përmbajtja e aktivitetit

Gjatë trajnimit u prezantua dhe u zhvillua hap pas hapi modelimi i objektit referues sipas tutorialit të MIDAS.
Fillimisht u prezantuan të dhënat bazë të projektit dhe kriteret e modelimit.
Më pas u trajtua përcaktimi i materialit dhe seksioneve të elementeve strukturore, duke vijuar me krijimin e gjeometrisë së modelit,
përcaktimin e kushteve kufitare dhe organizimin e kateve.
Në vijim u prezantua mënyra e përcaktimit dhe aplikimit të ngarkesave, si dhe procedura e përgjithshme që ndiqet për analizën strukturore,
shqyrtimin e rezultateve dhe projektimin/verifikimin e elementeve.
Tutoriali përdor, ndër të tjera, beton C35/45 dhe seksione të ndryshme për kolonat dhe trarët.

Rezultatet e pritshme të të nxënit

Pas përfundimit të trajnimit, pjesëmarrësit fituan një kuptim të përgjithshëm të workflow-t të
MIDAS GEN NX për modelimin e strukturave shumëkatëshe dhe të etapave që lidhin modelin gjeometrik
me përcaktimin e ngarkesave, analizën dhe projektimin strukturor.
Trajnimi shërbeu gjithashtu si aktivitet parapërgatitor për zhvillimin dhe mbështetjen akademike të
Workshop-it MIDAS të planifikuar për 5–9 tetor 2026.