Sherif Lushaj

Sherif Lushaj, prej vitit 2012, është profesor në universitetin Polis, nga të cilat 2014-2022 Dekan i Fakultetit Planifikim, Mjedis dhe Menaxhim Urban, duke zhvilluar lëndë në Programet mjedisore: (Bachelor), Master Menaxhim Mjedisor Urban; Master i Integruar në Planifikim Urban, Master Profesional, udheheqje të diplomave të studenteve e Doktoraturave etj. Mban titujt dhe gradat shkencore si më poshte: Profesor EMERITUS (2023), Profesor (1999), Profesor Associuar (1995), Doktor i shkencave (i)(1993), Doktor i shkencave (ii)(1995), “Docent (1987), Kandidat i shkencave (1981) në fushën e bujqësisë dhe mjedisit. Gjatë 36 viteve si kërkues shkencor në Institucione kërkimore shkencore dhe si staf akademik në universitete, kryesisht në fushën e shkencave bujqësore, shkencën e tokës, mjedisit, planifikimit të territorit, ka realizuar rreth 200 studime e projekte shkencore, 230 artikuj shkencorë dhe libra brenda dhe jashtë vëndit dhe 210 prezantime shkencore. Ai ka qenë lider në disa projekte ndërkombëtare, projekte shkencore bashkëpunimi bilateral dhe projekte kombëtare. Ai është përfshirë në mënyrë aktive në projektet e POLIS, për hartimin e planeve të përgjithshme vendore dhe vlerësimit strategjik mjedisor të planeve (SEA). Ai është anëtar i Bordeve Editoriale të revistave “Habitat” and “Annual Review of Territorial Governance in the western Balkans (Journal of the Western Balkan Network on Territorial Governance)