Fabrizio Aimar

Fabrizio Aimar, Arkitekt, PhD në “Zhvillimin Urban dhe Rajonal” në Politeknikun e Torinos. Prej tetorit të vitit 2021, është Pedagog dhe Drejtues i Departamentit të Arkitekturës dhe Inxhinierisë së Ndërtimit në Fakultetin e Arkitekturës dhe Dizajnit të Universitetit Polis, Tiranë, Shqipëri.
Që nga viti 2009, shkrimet e tij janë shfaqur në botime të ndryshme, vendase dhe të huaja, duke përfshirë: Il Giornale dell’Architettura, Teknoring, C3 dhe Wired. Aktivitetet e tij studimore dhe kërkimore kanë qenë objekt artikujsh dhe intervistash nga gazetat kombëtare italjane, si La Repubblica, Avvenire dhe La Stampa.
Ai ishte Kerkues vizitor në ICCROM (IT), Lektor i ftuar në Universitetin e Auckland (Zelanda e Re, 2015), i Portsmouth (MB, 2017) dhe Hertfordshire (MB, 2018), folës ne seminarin akademik në DISAFA të Universitetit të Torinos (IT, 2016) dhe folës në Shkollën e Specializimit në Trashëgiminë Arkitekturore dhe Peizazhore të Politeknikut të Torinos (IT, 2016-2020).
Për sa i përket kërkimit, ai ishte Studiues (2019/2020) dhe mbajtës i një granti kërkimor (2021) në Politeknikun e Torinos. Prej vitit 2018 është anëtar i Observatorit të Peizazhit për Monferrato dhe Asti, ndërsa që nga viti 2022 i Komitetit Shkencor të Qendrës së Studimeve për Zhvillimin Rural të Kodrës në Universitetin e Torinos. Ai është një anëtar i jashtëm i R3C Center (Responsible Risk Resilience Center) të Politeknikut të Torinos.
Në vitin 2020, ai ishte anëtar i jurisë së çmimit IN / ARCH 2020 – Rajonet e Siçilisë dhe Kalabrisë. Në vitin 2021, ai u emërua anëtar i Bordit Këshillimor të Pavijonit Italian në Ekspozitën e 17-të Ndërkombëtare të Arkitekturës në Venecia (2021).
Për më tepër, Fabrizio Aimar ishte i ftuar folës në Panairin e XXVIII-të Ndërkombëtar të Librit në Torino (2015) dhe në Dhomën e Deputetëve të Parlamentit Italian në Palazzo Montecitorio në Romë (2015). Është gjithashtu Këshilltar i zgjedhur i Urdhrit të Arkitektëve P.P.C. i Krahinës së Astit për periudhën 2017-2021, ndersa më parë, ka qenë anëtar i Komisionit të Kulturës nga viti 2010 deri në vitin 2016.